Thursday, Dec 08th

Last update:11:22:38 AM GMT

Headlines:
मुखपृष्ठ बातम्या आणि घडामोडी रेड रिबन एक्स्प्रेस २३ पासून पुण्यात

रेड रिबन एक्स्प्रेस २३ पासून पुण्यात

Print
महाराष्ट्र टाइम्स
२१ मार्च २०१२
पुणे भारत

खडकी स्टेशनवर थांबणार एचआयव्ही एड्स तसेच कुष्ठरोग, मलेरिया या आजारांबाबत जनजागृती करून आरोग्य विभागाच्या विविध योजनांची माहिती सर्वसामान्यांपर्यंत पोहचविणारी 'रेड रिबन एक्स्प्रेस' २३ मार्चला पुण्यात दाखल होत आहे. खडकी रेल्वे स्टेशन येथे दोन दिवस ही एक्सप्रेस थांबणार आहे, अशी माहिती जिल्हाधिकारी विकास देशमुख यांनी पत्रकार परिषदेत दिली.

२३ आणि २४ मार्च या दोन दिवस या एक्सप्रेस मध्ये भरविण्यात आलेले प्रदर्शन नागरिकांना पाहता येणार असून, आठ डबे असलेल्या या गाडीतील पहिल्या तीन डब्यांमध्ये एचआयव्ही एड्स संबधीची संपूर्ण माहिती असणार आहे. एड्सबाबत अधिकाधिक जनजागृती करून एचआयव्ही बाधितांचे प्रमाण शून्यावर आणणे, या उद्देशाने हा प्रकल्प राबविला जात आहे. नवी दिल्ली येथील राष्ट्रीय आरोग्य आणि कुटुंब कल्याण मंत्रालय आणि राष्ट्रीय एड्स नियंत्रण संस्था (नॅको) यांच्या वतीने ही रेड रिबन एक्स्प्रेस देशातील सर्व प्रमुख शहरांना भेट देऊन या आजारांबाबत जनजागृती करणार आहे.

जिल्ह्याचे पालकमंत्री अजित पवार यांच्या हस्ते २३ तारखेला या गाडीचे स्वागत करण्यात येणार आहे. सहकारमंत्री हर्षवर्धन पाटील, सार्वजनिक आरोग्य राज्यमंत्री फौजिया खान हे यावेळी प्रमुख उपस्थित राहणार आहेत. आरोग्य व कुटुंब कल्याणमंत्री सुरेश शेट्टी अध्यक्षस्थानी असणार आहेत.

Disclaimer: The news story on this page is the copyright of the cited publication. This has been reproduced here for visitors to review, comment on and discuss. This is in keeping with the principle of ‘Fair dealing’ or ‘Fair use’. Visitors may click on the publication name, in the news story, to visit the original article as it appears on the publication’s website.

वार्तापत्र

 
वार्तापत्र

प्रकाशने

 
एकच निर्धार

Link to Aarogya